Gaurkotasuna

Akordio horren helburu nagusia saldu osteko kudeaketa lehentasunezko leku batean jartzea erakundearentzat, hura hobetuz eta optimizatuz, gure bezeroei esperientzia aparta eta etengabeko zerbitzua eskaintzeko. Sareteknikak urtebete baino gehiago eman du Orkliko Bulego Teknikoko lanak egiten zoru erradiatzaile freskagarriko proiektuak garatuz, eta akordio hori lankidetza estrategikoa da, eta Sareteknikaren esperientzia eta profesionaltasunari esker, bazkide ezin hobea da kalitate handiko salmenta-osteko zerbitzua eskaintzeko dugun gaitasuna are gehiago hobetzeko.

Lankidetza horri PKOM4 ekipoaren eta beroa berreskuratzen duen aireztapen mekaniko kontrolatuaren produktu arloaren salmenta-osteko zerbitzuarekin hasiera emango zaio, Orkliren Energia Eraginkortasun, Erosotasun eta Osasunaren Ekosisteman estrategikoak diren bi familia. Horretarako, zerbitzu-karta batzuk definitu dira, bezeroei erreferentzia gisa balioko dietenak, haren xehetasunak eta irismena ezagutzeko.

Lankidetza hasten den ekintza-eremu horretan, araudiak beteko dituen sistema eraginkor bat ziurtatzeko asmoz, bulego berriak doan egingo ditu aireztapen mekaniko kontrolatuko sistema kalkulatzeko, diseinatzeko eta dimentsionatzeko proiektuak, barne-giro osasungarria eta erosoa bermatuko duen soluzio integral eta pertsonalizatua eskainiz. Era berean, Orklik instalatzailearen esku jartzen ditu instalatzaileari aholkularitza eta laguntza emateko zerbitzuak, ekipoak martxan jartzeko eta mantentzeko zerbitzuak, bai eta produktuaren akatsen inguruko 3 urteko bermea ere, ekipoak entregatzen direnetik zenbatzen hasita, egoera horietatik eratorritako laguntza teknikoa barne.

SARETEKNIKA urte askotako esperientzia eta errekonozimendua duen enpresa da UBS/Berokuntza, Etxetresna Elektriko Handi eta Txiki eta Klimatizazio (sektoreko enpresa nagusietako batzuen Zerbitzu Tekniko Ofiziala) arloetako mantentze-lanetan eta konponketan egindako lanagatik, eta ziur gaude bere lankidetzak modu esanguratsuan lagunduko duela gure bezeroen gogobetetzea eta ongizatea lortzen. Bi enpresek ikuspegi bera dugu aparteko kalitateko zerbitzua ematearen eta bezeroen itxaropenak gainditzearen garrantziari dagokionez.

Akordio honen sinadura zerbitzuaren aldeko apustu garbia da, eta ORKLI ekosistemaren inguruan gure bezeroei irtenbide integral eta globalak emateko konpromisoa islatzen du.